劉嘉玲綁架事件與《轟天龍虎會》及《東周刊》

Disclaimer: 以下呢篇文章所提及嘅事件早就係眾所皆知，但係為安全起見，我先此聲明唔好係咪都要禁止我，更加唔好話要搵我算帳，因為所講嘅事件人物（包括參與策劃挷架嘅主謀都已經離開人世），而受害者亦都原諒他哋啦，所以就唔好揾嘢嚟搞武啦，多謝。

如果我冇認錯嘅話，我喺1990年代初美國三藩市KTSF 26台頻道睇過一套電影叫《轟天龍虎會》，不過我睇完成套戲之後，我隨即對呢套戲係點拍出嚟，理由係點解劉德華、劉嘉玲、萬梓良、王光亮、谷峰同埋成奎安嘅戲份唔夠半小時，其中谷峰嘅戲份係最長，而片中大至上係由Billy Drago及Russell Wong（羅素）為角力嘅演員，惟獨是多年嚟冇乜人知道個內幕，直至事件主角隔咗一段長時間後先至揭曉答案，更令到《古惑仔》系列嘅監製文雋亦都証實呢件事，雖然事件都已經過咗三十幾年，但係個影響力到依家都仲係幾震撼，因為仲要牽連咗另一個關鍵導致真相被揭露。

要理解呢組事情嘅始末，先要由𦘦事人物講起，包括演員、導演、同埋整件事嘅幕後黑手，因為呢段時間喺香港娛樂圈漸漸受到一種強烈嘅衝擊，首先蔣氏民國「王朝」時代喺1988年結束，兼且台灣開關令到對港產片嘅需求減少，亦喺同時大一啲唔識香港點運作嘅內地人仕嚟到該地想「分一杯羮」，而當中就包括今次標題嘅幕後黑手，冇咗佢哋咁打橫嚟做嘢，我諗喺90年代嘅香港唔會經常受到啲「省港奇兵」嘅入侵及搞大茶飯，當中以葉繼歡為出名，喺呢個咁嘅背景之下就爆出跟住落嚟發生嘅事；另外，本地黑道中人亦都為咗將佢哋喺其他途徑「賺到」嘅錢洗得乾淨，於是令到本來可以拍得好好嘅劇本拍爛晒，導致香港電影喺90年代之後一落千丈，就算其後喺主權移交後話有啲氣息，不過已經大不如前，更比唔過荷李活啲巨作。

劉嘉玲就喺呢個環境下成為香港娛樂界嘅明星，但正正就喺咁而被一啲社團大老嘅搶奪目標；籍貫廣西但生於蘇州嘅Carina，佢係所謂「歸國華倫」嘅後代，因被文革批鬥而被迫喺1976年（筆者出世嗰年）逃難到香港，過咗大概係三年之後佢就考入咗TVB藝能演員訓練班，但就隨即俾事任訓練班主任劉芳剛下叫佢學好啲香港語先至再上堂，其實好簡單，因為剛Sir同Carina都係由內地走難到香港，港式廣東話未能掌握得好，而Carina嘅同學苖僑偉都有類似情況，所以佢就出此下策令到佢哋日後站得住腳。 作品方面就有一套叫做《江湖淚》就同等陣會提及嘅電影有份嘅兩位男演員劉德華同埋萬梓良，另外同Andy有份合演嘅就係《鹿鼎記》（但就同埋佢老公梁朝偉同幕機會多啲），至於Andy就當然唔少得《法內/外情》三部曲、《龍之家族》、《旺角卡門》等等嘅作品，而Alex