對《鏡中的歷史》的反思

喺我未開始提及對再版《鏡中的歷史》所引起嘅爭議作出自己嘅見解之前，我想各位讀者唔好向我或者𦘦事嘅人物作出毫無必要嘅人生攻擊及死亡威脅，因為對呢件事無補於事，肇事者是否得到授權去出版並非係呢件事嘅重點，相反嘅係邊個喺呢次爭拗中做咗始作俑者去分化香港泛民陣營先至最重要， 唔好逼到我作出一啲行動令到你哋各位都顏面無存咁俾我鬧，因為你哋全部都中晒某啲組織嘅毒計都唔知點解，否則我會當你哋與我為敵。

我先分享一下喺呢件事發生之前發生喺我身上嘅另一個事件，因為兩者都有個共通之處，而且亦係到依家都仲未嬲完，因為我俾某個教會姊妹因佢嗰一句而逼走。 事原喺2015年5月底發生，我喺一間叫做三藩市華人宣道會嘅某團契事奉，專注於PowerPoint presentation嘅製作，當陣時對團隊嘅宣傳手法頗為過於平淡，所以就做咗一啲改動令到組織展現嗰種獨特之處俾佢哋一個驚喜，點知一個姊妹對我講：「點解要改呢？」呢句嘢一出就知道過往所做嘅事全部被否定晒，我就喺度諗：「我仲喺度做乜嘢先？」嗰個時候正當我係開始喺Kaiser Permanente嘅生涯出現轉淚點，根本上唔會有咩時間改presentation，但咁樣一句話實在太侮辱我唯一可以為佢哋做嘅嘢，咁跟住嗰個禮拜我就好似隻鬼靈遊行，再跟住唔再返去聽道，自始就喺職場上集中火力為公司服務，並且用嗰啲創作能力俾到啲滿足感，更加決意唔再返去任何教會，因為有種感覺好似有人嫉妒我嗰種才能，所以對一啲做得好過佢嘅人都要被排擠。

依家就去到事件嘅觸法點，《鏡中的歷史》嘅原註係由當陣時仲未比馬雲買起嘅《南華早報》喺2006年出版，後作就喺馬氏於2016年買起後喺2017年由YouTube頻道《城寨》嘅東主劉世良嘅機構出版，不過由於小弟無緣買到首版書，所以我冇得對比兩者之間嘅分別，但係兩者都應該刊登咗同類關於1967年喺香港發生嘅一連串由親中共嘅左派人士發動嘅暴動事件及鎗戰，導致數十百計嘅香港市民被殃及，死者包括時任商業電台主持人林彬。 咁究竟後者出版書籍出咗乜嘢問題令到件事變成一發不可收拾嘅批鬥活動呢？ 究竟係件事有啲美中不足定係有人從事件中喺度做搞屎棍呀？ 雖然我係一個喺香港爭取民主運動時已經住喺美國多年嘅香港人，好多嗰啲江湖傳聞及恩怨都大至上本來唔關我事，只係呢啲不知所謂嘅私怨令我回憶自己對多年嚟喺港美兩地所結下嘅私怨都浮晒上面，所以我非以今次機會去辯駁一件本來唔應該有任何私怨嘅事不可。

首先要搞清楚嘅係呢本書係一本再版書，所以除咗要有原著作者嘅認許之外，亦都要經過《南》同埋僑社嘅支持先至可以成事，呢點各方面都肯定咗，但之所以係美中不足嘅就係當時冇各方律師在場簽紙成為合約，所以先至會有版權嘅問題存在，不過使唔使因為冇白紙黑字寫明而喺各大社交平台鬧到滿成風雨，我可以話根本上呢種批鬧係無補於事，而且會令到呢件鬧劇被一啲旁觀者懷疑係咪有人從中作梗並進行分化。 唔好以為呢啲係陰謀論，因為呢種手法就係中共做得多呢啲層出不窮嘅嗱喳招，目標就係令到評論事情製造一個「既成事實」嘅假象，從中產生無中生有嘅人生攻擊。 其次，如果冇ISBN嘅話，嗰本書就根本就出唔到，但係正如劉世良展視其中一本副書就已經列晒出嚟邊個係作者同埋出版人，再加上已離世嘅陳橋喺七年前（2017年）有份出值喺溫哥華嘅出書活動，而且仲係有照片為証佢亦都收咗佢嘅副本，咁樣嘅話邊個喺佢嘅耳邊唱佢壞話，所以邊個喺度做始作俑者嘅就係應該俾人指住嚟鬧，而唔係世良同埋支持佢嘅人，包括本人在內。 其三，呢單嘢只不過係錢銀嘅問題，唔係要樣樣嘢都要當係血債血償，我早幾日已經隱言講晒，不過我想喺呢度作出補充，本書都已經出版咗，但由於出版之時唔係喺初版時期噉一樣，究竟可以收番幾多錢都係有好大風險，並且嗰個時候係咩嘢嚟㗎，我唔信時任港府有冇修改出版法例冇乜收改啫，我點知喎？ 如果你咁都信嗰啲指責世良兄嘅言論，你咪做咗傻瓜囉！

至於點解世良嘅事同我對教會嗰位八婆有相似，呢個咪就係同內地地產發展嘅一個暴行有關，嗰個就係叫做「呢頭起屋嗰頭拆」。 做乜嘢交易除咗金錢同程序之外，有啲人對誠意同義務都係好重要，而且仲會係義務不說就為人辦理一件事，甚至乎連有冇回報都唔理㗎，但係點解會變得咁介懷就係嗰啲out of nowhere 嘅指責亂咁咈，仲要去到啲無中生有嘅人生攻擊以各式各樣嘅方式衝出嚟，搞到肇事者受到無謂嘅傷害。 咩嘢叫做「呢頭起屋嗰頭拆」呢？ 喺1990年代末期至2000年初嘅中國，有啲富人有誠意建立一間學校或者屋村，於是同一班內地政府交涉，當佢哋以為嗰個項目終於建成啦，三月之後就俾同一班人話呢個項目違法建築，跟住就隨即拆鬼晒，仲要反問肇事者點解會拆咗㗎？ 你以為我真係唔知究竟發生咩事呀，教會嗰單嘢令我對《鏡》嘅事件中更加有同感，而且仲要同嗰班喺度批鬥嘅人聲討返轉頭。 至於邊班人有份喺《消失的擋案》嘅Facebook page留下破壞嘅言論，點會係劉世良㗎？ 非近呢廿幾卅年嚟嘅評論界有邊個搞到污煙漳氣呀？ 有兩個老人家喺都要搞出一發不可收拾嘅地步，我俾個貼士你哋，嗰兩位由《龍門陣》到依家粗口不斷，唔小心就教咗一代專諸「人咬狗」嘅評論員，搞到乜都彎轉，急功近利，表面上就以為係「公義」，但最終你咪做傻仔囉！ 出書呢樣嘢只會係做漏咗一啲事而唔係完全冇彎低轉嘅，至多咪心平氣靜坐低並各位退一步已見，搞到六國大封相有乜謂咩？

最後呢啲私怨喺和平時期就慢慢傾，錢啫，大家讓一步囉，唔好係都要做牛角尖，小事化大到不可收拾係冇意思嘅，但係依家就嚟三戰啦，仲搞私怨做乜柒先？自己好好諗清楚啦！