香港淪為中國市鎮篇（I）

如果讀者有留意到我最近發表嘅一段文章就會覺得好奇怪，點解我會突然改用以廣東話嚟寫文章嘅？ 其實我成日都覺得自己寫文時用我所記得嘅中文係好有限，而英文寫作時有啲字總係寫唔出嗰種獨特性。 諗咗一大排時間，並且留意住網上點寫廣東話，同埋聽番啲80年代香港音樂留意吓啲歌詞點運用，可以話係「萬事俱備、只欠東風」，但係所謂嘅「東風」何在呢？ 平時睇開啲書雖然係完全集中喺繁體字，有時候有啲字似乎比我想像中更難讀，唔知係唔係我讀書唔專心呀，定係我離開香港之前嘅中文程度未係去到深奧啲嘅程度， 而喺美國生活咁耐除咗睇星島日報之外就好少睇中文書，更加唔好講話2010年之前嘅電腦程式係要另外裝加中文語言能力，於是咩等咗好多年先至有辦法寫中文，除非每隔幾年走去南極星網站買中文軟件啦。 嚟到2018-21年哩三年，「東風」等到啦，尤其喺iPad上，我終於知道點樣寫中文，廣東話都差唔多用得着啦。 不過一如記往，都喺嗰句，我怎樣寫一篇文章唔會係隨口噏，但係唔該唔好俾我睇到有死亡威脅嘅語言喺留言版，唔係就以後都唔好諗住我會俾任何人留言，因為我係會趕盡殺絕㗎。

言歸正傳，今日我想講吓點解我會罷睇2020年上咗Disney+嘅一套戲喺曾幾何事會覺得係好想睇嘅幾受矚目嘅真人版電影，但係好衰唔衰就因為嗰套戲嘅女主角喺最敏感時期衰㨢多口，嬲起上嚟就寧願睇Marvel同埋其他Disney品牌嘅電影同電視劇，偏偏就唔睇哩部咁嘅垃圾戲。 心水清嘅就知道邊套咁冇睇頭嘅電影：《花㨢個木難》（又稱《花木蘭》），而個不知所謂嘅「女主角」咁鍾意開嗰把衰口嘅就係劉亦非。 雖然套戲本質同原意都合乎時勢所需而將以前以動畫版拍成真人版，而選角方面都算合適嘅，尤其係劉亦非曾經拍過內地版《天龍八部》同《神鵰俠女》電視劇以及《四大名捕》三步曲電影，如無意外係一部好賣座嘅電影。 不過呢套戲要上映嘅時候就先俾「習氏肺炎」所衝擊，其次更重要嘅就係自2012年至今嘅中港兩地政局同文化係處於「火星撞地球」嘅壯況。 由免費電視牌照申請風波、雨傘運動、大白象工程、七一遊行、反送中修例法案到7·21事件，香港特區政府係變得好似黑社會字頭，以極端手段去鎮壓絕大部份手無寸鐵嘅香港市民，而劉亦非竟然就完全唔記得晒佢曾經喺美國過緊自由生活，反而就幫住個以個人崇拜主義為主嘅政權講說話。 當我喺某個娛樂網站睇到佢發表咁吃碗面反碗底嘅言論，直到唔使花時間支持咁嘅電影，就算拍得幾好就絕對永遠罷睇。 咁原因好簡單，因為稍為有啲頭腦嘅都知道成日話人哋搞「港獨」嘅，其實就喺度搞緊社會分裂，而且絕大部份香港人早就知道香港點會有可能獨到立咩！只不過中共政權就係專搞哩啲嘢嘅專家，唔怪得就成日俾人話中國政治自古以來都係慢西方國家一萬步（唔係有啲人話嘅係十步之差或者中共仲成日話佢地..進步過西方國家）。 仲有一樣嘢，有人會話「香港喺港英政府年代冇搞民主，所以香港唔使諗住有民主。」 但係邊個指名導姓咁警告英國：「如果香港搞普選，準備俾解放軍攻陷。」

但係如果你問我究竟點會搞到成為國際笑柄呢？ 哩個我諗係關乎於中共點樣交代重要嘅國際事務所致，包括人權、外交、軍事、經濟發展等等，佢哋成日當自己係一個強國，所以就連乜嘢叫做人權同埋協議書就當廁紙看待，乜都話「中國偉大、千秋萬世」 、「人定勝天」、或「『美帝』亡我 之心不死」等等嘅黨八故重口味啲廢話（係呀，你冇聽錯呀，呢代中共啲不知所謂嘅當權者淨係識得點樣抄人哋仲喺度惡人先告狀），叫佢哋去外面學吓嘢睇吓啲比較客觀啲分析又誓死唔肯，認為黨內奏摺先至係真理，但係對上次咁樣玩法咩搞出個大頭佛叫做「中國文化大革命」，逼害數以萬計嘅學者被殺害。 哩種咁嘅態度同面批評唔單止係於事無補，仲會係俾人當佢哋係笑柄看待，最終咩搞到自己更加冇面囉，哩個亦係點解越認自己係強國，其實連乜嘢係強國嘅定義自己都搞唔清楚，仲好意思喺度指指點點，慳啲啦！ 其實中國喺好耐以前就已經有個機會去改變國運，可惜都因為朝野搞籠裏雞猛咁鬥，結果都係原地踏步唔肯隨機應變，受害嘅就係所有平民百姓無一例外。 至於中共的新「皇朝」主義嘅源頭，要追索嘅其實就要睇番中國近呢百幾二三四百幾年嘅歷史：明末民初。 估唔到我會拉咁長嘅歷史呢？ 但要理解要拉咁長嘅就肯定要去咁遠，因為中國政治幾千年嚟都淨係識得喺政治討論上兜個圈，仲要嚴密監控著每個人嘅動向作為逼害目標，以明朝為例「廠衛」去管治所有人嘅活動。 但係呢種管治模式反而種下以魏忠賢為首嘅貪腐集團，直至明皇崇禎及「闖王」李自成率領嘅「義軍」暫且柱絕咗哩種暴政；豈料清朝乾隆皇帝又重思故技，俾和坤集團把持朝政，直致嘉慶將佢抄家查辦，但係要等到李連英喺1911年3月4日病逝後，先至冇咗哩種咁仆晒街嘅政治環境。 我完全冇諗過習近平竟然攞番晒咁落後兼且咁核突嘅制度嚟統治中國，更加唔會諗到佢會將自1979年之後中共政權所簽署過所有國際協議當係廁紙看待。

講到香港呢個「火藥府」，自從林鄭月娥當選香港特首以嚟，管治形式更加插水插到深海帶，唔只對民主派議員當冇到，差唔多樣樣唔想去得咁盡就行俾你睇，包括西九文化區去建立「故宮博物館」、「兩地一檢」、「80萬公屋足夠論」、沙中綫工程問題、明日大嶼、指以英語再答同樣問題「浪費時間」、同埋超強颱風山竹襲港等等，呢埋單方面執洪都仲未夠喉，更大鑊嘅就喺後頭：2019年港中政府為咗修訂《逃犯條例》，搞到市民引發咗「反送中運動」，而之後嘅7/21同埋8/31兩次示威者被襲擊事件就係林鄭政權為咗維穩所造成嘅後果，亦因為咁喺同年嘅區議會選舉，絕大部份香港人以選票嚟「建制派」區議員，點知中共喺「習氏肺炎」爆發嘅同時逮捕多名鴿系泛民派政客、議員、傳媒人、藝人同埋普通市民，指佢哋為『暴徒』、『顛覆國家政權』、『鈎結外國勢力』等等嘅所謂『罪名』，將一個國際城市淪為好似1949年上海封關咁嘅普通市鎮。 啱啱講到「習氏肺炎」，對一個好似香港咁嘅國際城市，上次SARS已經搞到我嘅出生地好𨶙亂晒籠，今次仲弊，如果以我嘅「學歷」要計長期經濟捐害，我諗一句未必講得晒，但有樣嘢我敢肯定嘅就係自中國喺1979年「四人幫」落台兼且重新開關以嚟，中國大陸由一個乜嘢都欠奉嘅地方，變成一個似乎喺經濟上可以同西方國家有得相比，但喺政治上每行前一步倒退十步　(你冇聽錯，係十大退步)，而習近平走番晒毛澤東嘅舊路，再繼續咁樣落去嘅話，呢個就係我嘅預言： 香港、台灣、越南、中國東岸、整個朝鮮半島、同埋日本嘅所有城市都被夷為平地， 大陸人從此喺世界各地嘅地方唔單止受歡迎，分分鐘當地華人都成為殃及池魚，尤其係住喺美國本土 (包括我在內)。 點解我會加咗最後兩句呢？ 美國曾幾何時立過法搞衰當陣時嘅華人，亦嘅同時亦都對親共人士嘅存在有所避忌，依家將兩者結合埋一齊嘅話，唔係殃及池魚喺乜嘢先，你自己諗吓啦。

最後我想講嘅就係我想俾一班小粉紅一啲提示 (你哋聽唔聽就由你決定)：多年前我曾經同以前啲同學講過我淨係鍾意華裔女仔 (中國嚟嘅定係喺美國住嘅我唔知)，但係自從我近廿年交過大陸女仔之後，我諗我同大陸女仔睇淡咗，因為我冇好似佢哋咁貪錢，有可能係我對生活嘅睇法稍為簡單啲，食嘅嘢都係好普通，尤其係好多都係自己做嘅，反而大陸女仔要嘅係樣樣嘢都係名牌，乜都係高當嘢我就算識食都未必敢食，更加唔好講話開口埋口都係嗰啲個人崇拜仲要埋民族主義，咁我仲可以點講呀？ 另一方面，你哋成日都話美國點樣唔好，點都好過講乜做乜諗乜都要管，仲要只可贊成冇得反駁，仲要係唔係都要歌頌一個連學歷唔知係咩嚟嘅發夢皇帝，你以為佢係袁世凱咩？仲有呀，邊個強行封自己為皇帝嘅詛咒係咩嘢呀？皇帝有你做，但命就活唔長，咁你試想下如果呢個皇帝誓死都要控制人哋嘅腦嘅思想以為好過癮，當佢腦死咗之後會點呀？ 你自己可以想像下㗎，但係你係分分鐘性命不保。 呢啲忠告唔係個個識點講，但係經歷過唔少甜酸苦辣嘅我嚟講，反而會有唔同嘅諗法，都係嗰句，聽唔聽你嘅事呀！