點解美國槍管問題係永遠拗唔完

無可否認我對槍械嘅認知同理解係尚且有限，儘管自己住喺美國成三十三年，對槍械嘅興趣反而係零雞蛋🥚，尤其係三件事發生喺我認識嘅人（包括自己在內）影響自己對越嚟越猖狂嘅槍械問題，雖然有啲案件離我親身有段距離，但造成嘅震撼始終對我有影響：

1. 1992年大概2、3月期間，喺林肯高中嘅校園門口前面有兩派學生發生爭執，一派以非裔學生為主，另一派係越南學生，佢哋為乜嘢事而引發爭拗我唔係好清楚，但係結果係有個越南仔就喺背脊中咗一槍，半身不遂，而嗰個同學就喺幾年後喺City College of San Francisco嘅Phelan總校見過佢，一睇到坐喺個輪椅就俾我估到佢就係嗰個中槍受害人。
2. 1993年7月1日，離當年嘅國慶日之前三日，一名槍手闖入California街101號位於34樓嘅Pettit & Martin律師事務所，對入面嘅職員亂槍掃射，造成8死6傷，而槍手就喺警方未衝入案發現場之前吞槍自殺。 咁我表哥當陣時佢就喺對面街嘅寫字樓返工，如果個槍手係條發晒狂嘅一槍手做案時仲波及埋對面馬路嘅話，咁仲得了咩？
3. 大概越南仔中槍事件過咗一年幾，另一個越南仔似乎當嗰件事唔存在，竟然咁大膽收埋支手槍喺一駕車嘅車尾箱，仲喺我面前攞咗出嚟嚇人，真係以為佢自己係John Dillinger。

但係自從Columbine高中屠殺案爆發之後，美國喺呢廿三年嚟經歷過至少二十、三十次咁大形嘅槍擊事件，而且仲係每單事件一次比一次大鑊。 淨係最近喺以Uvaldo市Robb Elementary School屠殺事件為計，我想問下全國萊福槍協會（National Rifles Association）主席Wayne LaPierre一個問題，佢最鍾意用嘅金句“a good guy with a gun”全部去𨶙晒邊呀？ 使唔使花成個鐘之後先至衝入去捉到個槍手呀？ 廿一人死19人重傷，我真係唔明德州共和黨政府上上下下喺度諗乜𨶙嘢，如果咁樣叫做「管理政府」嘅話，我唔敢想像十年之後仲有冇移民、唔同政見嘅政黨、唔同宗教信仰、長老及傷殘人士住喺度，尤其係該州有班白人主義嘅恐佈份子好想搞單種族大清洗？ 我冇話過全美國人唔應該擁有槍械喎，反而我要問嘅係究竟邊啲槍械係要定性為「軍方專用」，邊啲人係絕對唔可以擁有槍械，嗰啲堅決要「軍用」槍械嘅人是否先要做番正當軍人呢？ 其實呢三個問題早就陪旋於每個支持槍械管制條例嘅政客同埋平民，更加唔好話絕大部份嘅持槍者，但係每次都俾一啲「越多槍越好」嘅「熱狗」騎劫成個討論，甚至猛咁推舉好多推翻美國政府嘅言論同埋非法組織極右民族主義民兵團，呢種政見分化嘅思維導致好多本來有機會可以慢慢傾嘅嘢俾某種優越感而決裂咗。

就以Columbine為例，喺丹佛市舉行會員大會嘅NRA本來有機會避免咗因為屠殺所造成嘅麻煩，點知當時嘅主席Charlton Heston喺臺上發言時噏咗一句火上加油嘅言論煸動臺下嘅會員向槍管嘅人說「永不降服！」： 「from the cold dead hand!」十三年後嘅另一次校園屠殺案喺Newtown Elementary School，LaPierre亦都有類似嘅機會嚟平息，但佢就噏咗一句更惹火言論：「the only way to deal with a bad guy with a gun is a good guy with a gun.」有啲人就會問究竟邊個係Charlton Heston同埋Wayne LaPierre? NRA係乜水嘢嚟㗎？佢哋嘅運作係乜嘢嚟㗎？點解每次槍擊事件發生之後都係有LaPierre亂噏廿四㗎？點解美國槍械問題越嚟越離𨶙晒大𨶙譜嘅呢？究竟呢個問題要點樣先至解決到呢？係唔係搞到要個個冇對手並且裝備埋兩把全自動機關槍咁血腥呢？點解華府同國會都至今無法達成任何協議令到有效嘅法律通過呢？究竟傳媒對槍擊事件嘅報道係咪太過於政治化咗呢？ 究竟係咪真係咁多人支持槍管或者槍權呢？究竟點解美國對槍械咁有一種不解之緣呢？

首先要解答嘅問題就係NRA係乜嘢同埋呢個組織係點樣運作模式。 全國萊福槍協會嘅原創團隊係一班喺南北戰爭戰後嘅前軍人，原本嘅宗旨就係教導美國人點樣安全咁使用萊福槍，就係咁簡單。 當時佢哋同政府嘅關係都幾好㗎，因為佢哋曾經為國會度身訂造槍械安全法案，可惜嘅係到咗1970年代中期，喺辛辛那提舉行嘅會員大會嘅時候，一班對政府不滿兼且對軍火商嘅提議甚為滿意嘅會員一鋪過踢走哂支持槍械安全嘅團隊，佢哋就開始向政府遊說寛限對槍械嘅管制，每當有新事故爆發咗，佢哋啲語言藝術越嚟越瘋狂，但來來去去都係嗰句：「有槍大晒，冇槍就抵你死啦！」而通常傳出咁𨶙血腥言論除咗Heston同LaPierre之外，就有一個搖滾音樂過氣嘅歌手名叫Ted Nugent 同埋一個專噏陰謀論為主嘅網台節目主持人Alex Jones，呢兩條友同埋數以十萬計為槍權而狂嘅支持者，不斷向槍管人士作出冇底線嘅人身攻擊、恐嚇、同埋政治謀殺，而另一方面就不斷收買槍權嘅政客，從而令到國家每一角落都要有槍並越多槍越多。 但係似乎佢哋完全冇諗過一個比槍權更加嚴重嘅問題，而呢個問題就對一個以木材建築為主嘅房屋係比槍權更逼切：防火問題。

至於Charlton Heston (查爾登·希士頓)，喺佢未做NRA主席之前，佢係上世紀50-60年代嘅荷李活演員，其中以飾演電影《十戒》入面嘅主角摩西打響名堂，之後就都演出過好多其他電影，包括1959年嘅Ben Hurr《賓虛》、1968年嘅Planet of the Apes《浩劫餘生》同埋2001年翻拍版《決戰猩球》，佢亦都曾經參與過非裔美國人民權運動(Civil Rights Movement)，仲有兩黨政治。 不過到咗1990年代時候，佢嘅聲譽喺好多人嘅眼中就因為1999年嘅嗰一句說話而受影響，儘管佢喺共和黨黨內就覺得佢係表現有加，原因係因為佢飾演《十戒》嘅角色並唔係一啲閒角，而係聖經舊約聖經中記載嘅一個領導猶太人逃離埃及嘅領袖及先知叫做摩西。 稍為認識過當中嘅故事應該知道摩西嘅名氣係非常非常之大，所以當日喺丹佛嘅場館入面見到希士頓嘅時候，佢哋唔係見到演員希士頓，而係先知摩西，亦因為咁而將Columbine屠殺案同之後嘅各樣同類型嘅事件到依家都仲未拗完。 講到Wayne LaPierre (韋恩·拉皮耶)，呢條友最初就喺1977年加入NRA並參與維珍尼亞州民主黨嘅一位支持槍權嘅候選人Vic Thomas，之後就成為該會所嘅行政副總裁，亦都成為一個對槍管支持者嘅一個剋星。 多年嚟每當槍權遇到各方面嘅批評時，佢就係帶頭發言對抗嗰啲質問。 直到2019年底NRA嘅地位都差唔多同佢哋認為所認識嘅摩西處於平步青雲，不過最近呢幾年就似乎遇上非常之棘手嘅問題，而令到遇上嘅竟然係組織嘅財務狀況，甚至對於多年嚟嘅人生攻擊同死亡威脅最終被踢爆咗囉，依家就算會所總部搬咗去德州都分分鐘都保唔住。

而點解槍械同美國嘅關連其實就同美國嘅建立係色色相關，四百幾年前嘅美洲大陸同依家係差得太遠啦，當時呢度係好多野生動物同埋好多土著住喺度，喺英倫海峽駛到東岸時候，只單止係人生路不熟，而且仲係危機四覆，所以移居到美洲大陸嘅民眾必然要有槍保護佢哋。 一段時間過咗大英帝國終於承認呢個殖民地嘅存在，於是就開始派出英國軍隊去新大陸，但到咗1773年，由於大英祖國對美洲殖民地嘅稅收變得太嚴厲，最終搞到殖民地對母國爆發七年長嘅美國獨立戰爭，同埋十五年後嘅1812年戰爭。 同大英帝國打完兩場仗之後 終於可以擴展國土，不過過程中就同好多土著部落展開唔少嘅種族清洗同埋仇恨，亦都遇上西部土地嘅墨世哥同埋西班牙帝國。 得到本生，其二就係屬於本土防衛性用途，其三同第二點有關，嗰樣就係國防。 但過咗南北戰爭之後數十年，除咗同西班牙打仗、參與八國聯軍、以及一次大戰後，反而就輪到意想唔到嘅事件：禁酒令同埋其後嘅黑白兩道大戰。 點解我會喺度拉埋禁酒令落水呢？ 因為兩者之間嘅爭執係極之相似，支持酒權同支持槍權嘅理由都係關於個人選擇，而支持禁酒令同禁槍嘅就指出呢兩樣嘢對社會造成嘅破壞性影響；相反，絕大部份嘅人民係寄望有條法例係既可以保障平民有權持有槍械兼且能夠保護所有平民嘅安全。 而禁酒令嘅教訓就係唔想再見到類似1929年2月14日嘅情人節大屠殺 (St. Valentine’s Day Massacre) 事件中，因為兩方黑社會份子嘅結怨而造成七個 Bugs Moran 手下被殺，搞到社會對禁酒嘅副作用同酗酒兩者作出無奈嘅協調，最終禁酒令嘅美國憲法修正條文第十八條喺1933年被廢除咗。

經過二次大戰、韓戰同埋越戰及冷戰，NRA嘅叛變將槍管呢個議題上變成邊緣化，對軍火商嚟講，任何協調就係等於妥協，導致呢個僵局持續下去永遠拗唔完，無論乜嘢法例寫成點樣呢班人淨係識得「反對到底」，依家咪睇到唔肯恊調呢個爭論嘅結果囉。 自1970年代中至今，全國因槍擊而受傷及死亡率係一值上升，反而因心臟病而死亡嘅就唔係停滯就係滑，原因有幾點： 其一，兩對幫派槍戰誤中流彈比幫派成員多兩倍或以上；其二，同家庭內訟而引起嘅衝突亦都同時上升；其三，唔肯顧及處置同埋槍械嘅地方之餘仲要亂咁擺放；其四：對政府法律嘅唔信任同偏見，甚至乎一面倒咁傾向種族主義同埋陰謀論，而最後嗰點正正就係2021年1月6日支持特郎普嘅羣眾試圖以暴力手段衝入國會大樓擾亂准行緊嘅計選舉人票及認證2020總統選舉結果，推翻拜登嘅選舉勝利兼還政番特郎普嘅胡鬧衝突。 萬一嗰次衝突係成功咗，在座各位讀者同我呢個筆者可能早已被嗰班暴民屠殺，而美國亦都會變成一個種族主義為至極嘅國家，或者成為我曾經預言過嘅血腥結果：美國本土四十八州通通變成燒唔完嘅焚化爐，因為美國變咗全球最大嘅墳場，兼且國土內嘅水流都係血啉啉，遍地都係死屍無一留口，所有生物、建築物、街市同埋醫院都係咁，仲慘過打核戰。 如果有人好想有呢種情景依家就發生嘅，佢哋就好似嗰班受到成功神學所影響嘅白人基督徒一樣咁冷血無情，因為佢哋淨係會諗住美國政府係一班蠻不講理嘅原始人，全部都要被殺過片甲不留為止。 不過淨係用呢種邏緝去思考嘅話，唔怪之得呢個話題係永遠拗唔定啦，因為過份暴力嚟討論任何嘢係得唔到任何結論。